អ្នកថែទាំអ្នកជំងឺមហារីក

រក្សាចិត្តគំនិតវិជ្ជមាន  

អ្នកអាចនឹងជួបប្រទះការលំបាកខ្លះៗក្នុងការមើលថែអ្នកជំងឺមហារីក ប៉ុន្តែសូមព្យាយាមរក្សាគំនិតវិជ្ជមានឱ្យបានពេញមួយដំណើរផ្លូវនេះ។ អ្នកអាចស្វែងរកការពិគ្រោះយោបល់ពីសមាជិកនៃក្រុមការងារថែទាំសុខភាព។ វិធីនេះក៏ជួយបង្កើតបរិយាកាសវិជ្ជមានប្រកបដោយសុខភាពល្អសម្រាប់ទាំងរូបអ្នក និងអ្នកជំងឺរបស់អ្នកផងដែរ។ 

ការប្រាស្រ័យទាក់ទងប្រកបដោយប្រសិទ្ធភាព 

ប្រាស្រ័យទាក់ទងជាមួយសមាជិកគ្រួសារ មិត្តភក្តិ និងអ្នកផ្តល់សេវាថែទាំសុខភាព។ ត្រូវប្រាកដថារាល់ព័ត៌មានសំខាន់ៗអំពីដំណើរការស៊េរីនៃការព្យាបាល គឺត្រូវបានទទួលដោយការយល់ដឹងច្បាស់លាស់។ វិធីនេះជួយឱ្យដំណើរផ្លូវនៃការថែទាំប្រព្រឹត្តទៅបានយ៉ាងរលូន និងកាត់បន្ថយលទ្ធភាពនៃការយល់ច្រឡំគ្នា។ 

ថែទាំសុខភាពខ្លួនអ្នក 

ពេលវេលារបស់អ្នកអាចនឹងជាប់រវល់ខ្លាំងជាមួយនឹងកិច្ចការងារមើលថែទាំអ្នកជំងឺ ប៉ុន្តែវាមានសារៈសំខាន់ណាស់សម្រាប់អ្នកក្នុងការរក្សាសុខភាពឱ្យបានល្អ។ គេងឱ្យបានគ្រប់គ្រាន់ ទទួលទានអាហារដែលមានតុល្យភាព ហាត់ប្រាណ និងមានការប្រុងប្រយ័ត្នចំពោះសញ្ញាណាមួយនៃជំងឺបាក់ទឹកចិត្ត ឬភាពតានតឹងខ្លាំង (ស្ត្រេស)។ 

បើកចិត្តទទួលយកការពិតដែលថាអ្នកដទៃប្រហែលជាមិនអាចជួយយើងបាន 

ក្នុងកាលៈទេសៈខ្លះ អ្នកដទៃអាចនឹងមិនអាចជួយអ្នកបានឡើយនៅពេលដែលអ្នកត្រូវការ ជំនួយ ដោយសារតែការខ្វះខាតពេលវេលា អារម្មណ៍មិនសូវកក់ក្តៅពេលនៅក្បែរអ្នកដែលកំពុងប្រយុទ្ធនឹងជំងឺមហារីក ឬមូលហេតុផ្សេងៗទៀត។ 

និយាយជជែកជាមួយអ្នកដទៃ 

វាជារឿងសមហេតុផលណាស់សម្រាប់អ្នកក្នុងការនិយាយពិភាក្សាជាមួយមនុស្សជាទីស្រឡាញ់របស់អ្នក អ្នកថែទាំសុខភាពដទៃទៀត ឬមនុស្សដែលអ្នកមានអារម្មណ៍កក់ក្តៅ។ សូមកុំរុញរាក្នុងការចែករំលែកអារម្មណ៍ និងស្ថានភាពផ្លូវចិត្តរបស់អ្នក។ វាជារឿងសំខាន់បំផុតសម្រាប់អ្នកក្នុងការរក្សាបរិយាកាសប្រកបដោយសុខភាពល្អ ក្នុងនាមជាអ្នកថែទាំម្នាក់។ 

អ្នកមិនចាំបាច់ឆ្លងកាត់រឿងនេះតែម្នាក់ឯងនោះទេ  

គ្រាន់តែចុចលើប៊ូតុងខាងក្រោម នោះអ្នកនឹងត្រូវបាននាំទៅកាន់ទំព័រចុះឈ្មោះរបស់យើង 

ចុះឈ្មោះឥឡូវនេះ