មជ្ឈមណ្ឌលជំងឺមហារីក

មជ្ឈមណ្ឌលជំងឺមហារីកនៅប៉េណាំង | សេវាកម្មព្យាបាលជំងឺមហារីកកម្រិតខ្ពស់ 

Sunway Medical Centre Penang ផ្តល់នូវការថែទាំជំងឺមហារីកដ៏ទូលំទូលាយតាមរយៈវិធីសាស្ត្រពហុជំនាញ ដោយប្រមូលផ្តុំទៅដោយវេជ្ជបណ្ឌិតឯកទេសមហារីក វេជ្ជបណ្ឌិតឯកទេសវះកាត់ វេជ្ជបណ្ឌិតឯកទេសវិទ្យុសកម្ម វេជ្ជបណ្ឌិតឯកទេសវេជ្ជសាស្ត្រនុយក្លេអ៊ែរ វេជ្ជបណ្ឌិតឯកទេសរោគវិនិច្ឆ័យ គិលានុបដ្ឋាយិកា និងអ្នកជំនាញសុខាភិបាលពាក់ព័ន្ធដទៃទៀត ដើម្បីផ្តល់នូវការព្យាបាលដែលមានការសម្របសម្រួលគ្នា និងស្របទៅតាមតម្រូវការផ្ទាល់ខ្លួនរបស់អ្នកជំងឺ សម្រាប់ប្រភេទនៃជំងឺមហារីកជាច្រើន តាមរយៈសេវាកម្មព្យាបាលដោយថ្នាំ វះកាត់ និងវិទ្យុសកម្ម។ 

មជ្ឈមណ្ឌលជំងឺមហារីករបស់យើងខ្ញុំនៅប៉េណាង ត្រូវបានបំពាក់ទៅដោយបច្ចេកវិទ្យាវេជ្ជសាស្ត្រកម្រិតខ្ពស់បំផុត រួមទាំងការថតរូបភាពវិភាគរោគវិនិច្ឆ័យដូចជា CT, MRI, PET / CT ដែលដើរតួនាទីយ៉ាងសំខាន់ក្នុងការស្វែងរកជំងឺមហារីក ការកំណត់ដំណាក់កាលជំងឺ និងការរៀបចំផែនការព្យាបាល រួមទាំងសេវាកម្មព្យាបាលដោយកាំរស្មី (វិទ្យុសកម្ម) និងសេវាកម្មព្យាបាលជំងឺមហារីកផ្សេងៗទៀត។ 

បន្ថែមពីលើការព្យាបាលតាមបែបគ្លីនិក អ្នកជំងឺ និងអ្នកថែទាំក៏ទទួលបានការគាំទ្រតាមរយៈក្រុមជំនួយអ្នកជំងឺមហារីកផងដែរ ដែលផ្តល់នូវការគាំទ្រផ្នែកផ្លូវចិត្ត ការអប់រំណែនាំ និងផ្នែកចិត្តសង្គម ទន្ទឹមនឹងការថែទាំវេជ្ជសាស្ត្រ ដើម្បីជួយឱ្យបុគ្គលម្នាក់ៗអាចជម្នះនូវរាល់បញ្ហាប្រឈមនៃជំងឺមហារីកបាន។ 

ក្នុងនាមជាមន្ទីរពេទ្យព្យាបាលជំងឺមហារីកឈានមុខគេនៅប៉េណាំង ការថែទាំត្រូវបានផ្តល់ជូនតាមរយៈសេវាកម្មព្យាបាលដោយថ្នាំ វះកាត់ និងវិទ្យុសកម្ម ដើម្បីជួយដល់អ្នកជំងឺក្នុងដំណាក់កាលផ្សេងៗគ្នានៃការធ្វើរោគវិនិច្ឆ័យ និងការព្យាបាលរបស់ពួកគេ។ 

ក្រុមការងារពហុជំនាញរបស់យើងខ្ញុំ 

ក្រុមការងារពហុជំនាញ (MDT) របស់យើងខ្ញុំ រួមមានគ្រូពេទ្យឯកទេសមហារីក គ្រូពេទ្យឯកទេសវះកាត់ គ្រូពេទ្យឯកទេសវិទ្យុសកម្ម គ្រូពេទ្យឯកទេសវេជ្ជសាស្ត្រនុយក្លេអ៊ែរ គ្រូពេទ្យឯកទេសរោគវិនិច្ឆ័យ អ្នករូបវិទ្យាវេជ្ជសាស្ត្រ អ្នកឯកទេសព្យាបាលដោយកាំរស្មី អ្នកបច្ចេកទេសវិទ្យុសកម្ម ឱសថការី និងគិលានុបដ្ឋាយិកាឯកទេសមហារីក — ដែលទាំងអស់គ្នាសហការការងារយ៉ាងជិតស្និទ្ធជាមួយគ្រូពេទ្យឯកទេសវេជ្ជសាស្ត្រដទៃទៀតជាង 20 ជំនាញ។  

មើលប្រវត្តិរូបវេជ្ជបណ្ឌិត

សេវាកម្មព្យាបាលជំងឺមហារីករបស់យើងខ្ញុំ 

បច្ចេកវិទ្យាព្យាបាលជំងឺមហារីកកម្រិតខ្ពស់របស់យើងខ្ញុំ  

ក្រុមជំនួយរអ្នកជំងឺមហារីករបស់យើងខ្ញុំ 

ក្នុងដំណើរផ្លូវប្រយុទ្ធនឹងជំងឺមហារីកនេះ​ អ្នកមិននៅតែម្នាក់ឯងនោះទេ។ 

ក្រុមជំនួយរអ្នកជំងឺមហារីករបស់យើងខ្ញុំ ផ្តល់នូវកន្លែងដ៏កក់ក្តៅមួយសម្រាប់អ្នកជំងឺ អ្នកដែលបានជាសះស្បើយ និងអ្នកថែទាំ ក្នុងការផ្សារភ្ជាប់ទំនាក់ទំនង ចែករំលែកបទពិសោធន៍ និងស្វែងរកការលើកទឹកចិត្តបន្ថែមពីលើការថែទាំតាមបែបគ្លីនិក។ 

ចូលរួមជាមួយក្រុមជំនួយអ្នកជំងឺមហារីករបស់យើងខ្ញុំ 

ការរៀបចំផែនការព្យាបាលមានភាពខុសប្លែកគ្នាចំពោះបុគ្គលម្នាក់ៗ សូម្បីតែប្រភេទជំងឺមហារីកដូចគ្នាក៏ដោយ។ យើងខ្ញុំតែងតែធានាថា ការព្យាបាលរបស់យើងខ្ញុំមិនត្រឹមតែស្របតាមតម្រូវការផ្ទាល់ខ្លួនប៉ុណ្ណោះទេ ប៉ុន្តែថែមទាំងត្រូវបានទទួលស្គាល់ផ្នែកគ្លីនិក មានការស្រាវជ្រាវច្បាស់លាស់ និងផ្អែកលើលទ្ធផលជាក់ស្តែង ដើម្បីជួយឱ្យអ្នកជំងឺអាចត្រឡប់ទៅរកជីវភាពធម្មតាវិញបានយ៉ាងឆាប់រហ័ស ដោយចំណាយតិច និងកាត់បន្ថយការឈឺចាប់ឱ្យនៅកម្រិតទាបបំផុត។

ក្រៅពីការព្យាបាលជំងឺមហារីក យើងខ្ញុំក៏ចង់ឱ្យអ្នកជំងឺបន្តរស់នៅជាធម្មតា ដោយមានការចូលរួមយ៉ាងពេញលេញនៅក្នុងគ្រួសារ ការងារ សង្គម និងជីវិតផ្ទាល់ខ្លួន។

សេវាកម្មចម្រើនសុខភាពរបស់យើងខ្ញុំ ត្រូវបានដឹកនាំដោយអ្នកជំនាញដែលទទួលបានការបណ្តុះបណ្តាលច្បាស់លាស់ ដើម្បីជួយឱ្យអ្នកជំងឺអាចគ្រប់គ្រងជីវិតរបស់ពួកគេឡើងវិញបាន។ នេះអាចសម្រេចទៅបានតាមរយៈការកែលម្អមុខងាររាងកាយ ការរៀបចំរបៀបរបបរស់នៅឡើងវិញ និងការកាត់បន្ថយការឈឺចាប់របស់ពួកគេ តាមរយៈផែនការថែទាំពាក់ព័ន្ធផ្សេងៗ ដើម្បីធ្វើឱ្យជីវិតរស់នៅកាន់តែមានន័យ និងប្រសើរឡើង។

ក្រុមការងារនៃមជ្ឈមណ្ឌលជំងឺមហារីក គឺត្រូវបានបង្កើតឡើងដោយគ្រូពេទ្យឯកទេសមហារីក អ្នករូបវិទ្យាវេជ្ជសាស្ត្រ អ្នកឯកទេសព្យាបាលដោយកាំរស្មី គ្រូពេទ្យឯកទេសរោគវិនិច្ឆ័យ គ្រូពេទ្យឯកទេសវិទ្យុសកម្ម ឱសថការី និងគិលានុបដ្ឋាយិកាឯកទេសមហារីក។ ទន្ទឹមនឹងការសហការជាមួយគ្រូពេទ្យឯកទេសមហារីក ក៏មានគ្រូពេទ្យឯកទេសវះកាត់ និងគ្រូពេទ្យឯកទេសជំងឺទូទៅមកពីជាង ២៥ ជំនាញវេជ្ជសាស្ត្រផ្សេងទៀត ដោយប្រើប្រាស់ម៉ាស៊ីនព្យាបាលដោយវិទ្យុសកម្មបច្ចេកវិទ្យាខ្ពស់ដែលមាននៅក្នុងមជ្ឈមណ្ឌល រួមជាមួយនឹងមនុស្សយន្តវះកាត់ ឧបករណ៍វះកាត់ចោះតូច (Minimally Invasive Devices) ប្រព័ន្ធថតរូបភាពវិភាគ ប្រព័ន្ធពិនិត្យ និងរោគវិនិច្ឆ័យ ព្រមទាំងមានមន្ទីរពិសោធន៍ផ្ទាល់នៅក្នុងមន្ទីរពេទ្យ។

អ្នកជំងឺរបស់មជ្ឈមណ្ឌលក៏ទទួលបានអត្ថប្រយោជន៍ពីវួដ Chemo Day ដែលមានទំហំធំទូលាយ និងផ្តល់នូវអារម្មណ៍ស្ងប់ចិត្ត ក្នុងពេលដែលពួកគេទទួលបានជំនួយពីក្រុមជំនាញសុខាភិបាលពាក់ព័ន្ធ រួមមានផ្នែករបបអាហារ និងអ្នកជំនាញអាហារូបត្ថម្ភ សេវាថែទាំតាមផ្ទះ ផ្នែកព្យាបាលការនិយាយ និងការស្តាប់ ព្រមទាំងការព្យាបាលស្តារនីតិសម្បទា។

យើងខ្ញុំដឹងយ៉ាងច្បាស់ថា ដំណើរការប្រយុទ្ធប្រឆាំងនឹងជំងឺមហារីកជាបន្ទុកមួយយ៉ាងធ្ងន់ធ្ងរដល់រាងកាយ បេះដូង និងផ្លូវចិត្តរបស់អ្នក។ នោះហើយទើបយើងខ្ញុំចង់ធ្វើឱ្យដំណើរផ្លូវឆ្ពោះទៅរកការធូរស្បើយឡើងវិញប្រកបទៅដោយភាពងាយស្រួល គ្មានការលំបាកស្មុគស្មាញ និងមានប្រសិទ្ធភាពផ្នែកការចំណាយសម្រាប់អ្នកតាមដែលអាចធ្វើទៅបាន។

វិធីសាស្ត្ររបស់យើងខ្ញុំគឺផ្ដោតលើការថែទាំបែបគ្រប់ជ្រុងជ្រោយ និងប្រកបដោយក្តីមេត្តាករុណា។ ពេញមួយដំណើរផ្លូវនៃជំងឺមហារីក យើងខ្ញុំនៅឈរក្បែរអ្នកជំងឺជានិច្ច ចាប់តាំងពីការធ្វើរោគវិនិច្ឆ័យ រហូតដល់ការជាសះស្បើយពេញលេញ។ យើងខ្ញុំមានគោលបំណងបម្រើ និងផ្តល់ការថែទាំដែលស្របតាមតម្រូវការផ្ទាល់របស់អ្នកជំងឺ ដើម្បីផ្តល់នូវក្តីសង្ឃឹម ភាពកក់ក្តៅ និងលទ្ធផលព្យាបាលដ៏ល្អបំផុត។

ជម្រើសដំបូងរបស់អ្នក សម្រាប់មតិទីពីរ

ការធ្វើរោគវិនិច្ឆ័យតែងតែមានពេលវេលាបន្ថែមសម្រាប់ការស្វែងយលកាន់តែជ្រៅ ដើម្បីធានាឲ្យមានភាពត្រឹមត្រូវថែមទាំងបង្កើតនូវផែនការព្យាបាលដែលផ្តល់ជូនអ្នក ដែលភាគរយជោគជ័យខ្ពស់បំផុត។

ករណីនេះអាចរាប់បញ្ចូលទាំងការស្វែងរកការពិគ្រោះយោបល់ទីពីរ ពីគ្រូពេទ្យឯកទេសផ្សេងទៀត។

ហេតុអ្វីបានជាការពិគ្រោះយោបល់ទីពីរមានសារៈសំខាន់?

អ្នកមិនប្រាកដថា ការធ្វើរោគវិនិច្ឆ័យដំបូងរបស់អ្នកត្រឹមត្រូវឬអត់

អ្នកមានមន្ទិលសង្ស័យ ហើយចង់ជម្រះមន្ទិលទាំងនោះឱ្យច្បាស់លាស់

អ្នកចង់ស្វែងរកជម្រើសនៃការព្យាបាលបន្ថែមទៀត

អ្នកចង់ទទួលបានអត្ថប្រយោជន៍ពីបច្ចេកវិទ្យា និងឧបករណ៍វេជ្ជសាស្ត្រកម្រិតខ្ពស់ ដែលមិនមាននៅមជ្ឈមណ្ឌលជំងឺមហារីកដើមរបស់អ្នក

អ្នកចង់ធ្វើការសម្រេចចិត្តប្រកបដោយការយល់ដឹងច្បាស់លាស់ជាងមុន នៅពេលជ្រើសរើសផែនការព្យាបាល

ភាពស្ងប់ចិត្ត និងភាពកក់ក្តៅក្នុងពេលប្រាស្រ័យទាក់ទងជាមួយក្រុមការងារថែទាំជំងឺមហារីក គឺជារឿងសំខាន់សម្រាប់អ្នក

ហេតុអ្វីបានជាមនុស្សជាច្រើន
ទុកចិត្តលើការពិគ្រោះយោបល់
វេជ្ជសាស្ត្រទីពីររបស់យើងខ្ញុំ?

ក្រុមការងារមជ្ឈមណ្ឌលជំងឺមហារីករបស់យើងខ្ញុំ ធ្វើការពិនិត្យយ៉ាងហ្មត់ចត់បំផុតដោយមិនឱ្យមានចន្លោះប្រហោងឡើយ។ ការធ្វើរោគវិនិច្ឆ័យ និងការណែនាំកញ្ចប់ព្យាបាល គឺត្រូវបានផ្តល់ជូនបន្ទាប់ពីបានធ្វើការវាយតម្លៃយ៉ាងលម្អិត និងពេញលេញទៅលើប្រវត្តិវេជ្ជសាស្ត្ររបស់អ្នក រួមទាំងការពិនិត្យឡើងវិញនូវរបាយការណ៍វេជ្ជសាស្ត្រ លទ្ធផលតេស្តឈាម លទ្ធផលថតរូបភាពវិភាគ និងលទ្ធផលវិទ្យុសាស្ត្រផ្សេងៗ។

តើក្រុមប្រឹក្សាដុំសាច់គឺជាអ្វី?

ក្រុមប្រឹក្សាដុំសាច់ គឺជាឈ្មោះនៃកិច្ចប្រជុំសន្និសីទពហុជំនាញប្រចាំសប្តាហ៍ដែលផ្ដោតលើអ្នកជំងឺជាចម្បងរបស់មជ្ឈមណ្ឌលជំងឺមហារីករបស់យើងខ្ញុំ ដោយប្រមូលផ្តុំអ្នកជំនាញសុខាភិបាលមកពីបណ្តាជំនាញជាច្រើន រួមមានគ្រូពេទ្យឯកទេសវះកាត់ គ្រូពេទ្យឯកទេសជំងឺទូទៅ គ្រូពេទ្យឯកទេសមហារីក គ្រូពេទ្យឯកទេសវិទ្យុសកម្ម និងគ្រូពេទ្យឯកទេសរោគវិនិច្ឆ័យ ដែលសហការគ្នាជាក្រុមការងារដ៏រលូនមួយ ដើម្បីស្រាវជ្រាវលើករណីជំងឺមហារីកដែលមានភាពស្មុគស្មាញ និងពិនិត្យមើលពីគុណសម្បត្តិ និងគុណវិបត្តិនៃជម្រើសព្យាបាលផ្សេងៗ ចាប់តាំងពីដំណាក់កាលស្រួចស្រាវរហូតដល់រយៈពេលវែង។

នៅចុងបញ្ចប់នៃកិច្ចប្រជុំ ក្រុមការងារទាំងមូលនឹងរួមគ្នាសម្រេចចិត្តលើផែនការព្យាបាលដ៏ល្អបំផុតសម្រាប់អ្នកជំងឺម្នាក់ៗ ដោយមានគោលបំណងតែមួយគត់គឺ ដើម្បីទទួលបានលទ្ធផលព្យាបាលដ៏ល្អប្រសើរបំផុត។